|
Sulisartut Højskoliat 1977-imi sananeqarpoq, ukiullu siulliit allineqaqattaartar-luni. Sananeqarneranut Danmarkimi nunanut allanut ministeriaqarfik sulisusar-tullu kattuffissuat LO aningaasaliipput kinguneratigullu nunatsinnut tunniunne-qarluni.
Sulisartut Højskoliat ukiumoortumik Namminersorlutik Oqartussanit tapiissutisi-sarpoq, saniatigullu atuisut allat aqqutigalugit aningaasarsiorluni.
Sulisartut Højskoliata pilersinneranut tunngaviusoq tassaavoq taamani G.A.S.-eqarallarmat (Grønlands Arbejder Sammenslutning) sulisut sinniisaasa ilinniarfeqarnissaat. 1984-imi taaguut G.A.S. taarserneqarpoq S.I.K.-nngorluni (Sulinermik Inuussutissarsiortut Kattuffiat).
Sulisartut Højskoliat suliffeqarfiuvoq imminut pigisoq Qaqortumilu inissisimallu-ni. Ileqqoreqqusami allaqqavoq: "Højskolip ilaatigut suliassaraa sulisartut inuu-suttullu ilinniartut allat nunaqarfinneersut illoqarfinneersullu nalinginnaasunik peroriartuutaasumik ilinniartinnissaat, ilaatigullu ilinniartunik pisinnaatitsilerfiu-sumik ilinniartitsinermik neqerooruteqarnissaq, aamma ilinniartitsineq misilitsin-neq siunertaralugu ilinniartitsinermik ilaqartoq neqerootigissallugu, ilaatigullu sulisartut kattuffiannut ilaasortanik, suleqataasunik sinniisunillu pikkorissaane-rit ingerlannissaat siunertaralugu".
Ukiumut marloriarluta, tassalu januaarimiit maajip tungaanut aamma aggusti-miit decembarip tungaanut inuusuttut 20-t sap. akunnerini 20-ngajanni høj-skolernissaannik neqerooruteqartarpugut, inuusuttunut pikkorissaasarluta, SIK ataani Qaammarsaanermik Ilinniartitaanermillu Aniangaasaateqarfik suleqati-galugu sinniisunik pikkorissartitsisarluta, ilaatigullu qallunaat nunanilu avan-nerlerni gruppit pikkorissarneri ataatsimiittarnerilu ingerlattarlutigit.
Ukiuni aggersuni qitiusumik suleqateqarluta piginnaanngorsaanernik soraarum-meernertalinnik ingerlatsilernissaq suliniutigivarput.
SIK-p Nakkutilliisoqarfia aningaasaateqarfiillu siulersuisuisi ukiut tamaasa ataatsimiinngikkunik ataatsimeersuartarput, saniatigullu peqatigiiffiit, kattuffiit assigisaallu højskolimi pikkorissartitsinngikkunik ataatsimeersuartarput. Aasaanerani Danmarkimit, Skandinaviamit ilaatigullu nunanit avannarlernit kil-lernit takornariat aalluttarpavut.
Alluitsumi Qatanngutigiinniat Herrnhuttit illuutitoqaat allallu illut nutaajuneru-sut højskolip illuutigivai, ukiunilu aggersuni suleqateqarluta aserfallatsaaline-qarnissaat anguniarpavut.
Sulisartut Højskoliat tasersuup eqqaani alianaalluinnartumi inissisimasoq ataatsimiiffissanik imaluunniit pikkorissarfissanik pitsaasunik atortorissaartunil-lu neqerooruteqarpoq. Kujataani qiterpasissumiippugut avammullu immakkut silaannakkullu attavigissaarluta. Nammineq angallataateqarpugut, kissaatillu aallaavigalugit kujataa tamakkerlugu takornariartitsillutalu assartuisinnaalluta.
|