Ulimaat

Ulimaat - qanga siulersuatta sakkuisa ilaat ullumikkumut sulisartoqarnermut ilisarnaatigissallugu assut naleqquppoq. Ulimaammut qissiaminikullak isumigut oqimaalliartoq ipugineqartarpoq, savissaalu oqimaannersaata nalaanut ikkunneqartarluni. Savissaa ipuanit avissaangavallaassanngilaq, taamaalilluni oqimaassutsiminut naleqqiulluni sakkortunerujussuarmik kaatsisinnaanngussa-gami. 

Ulimaat ilaatigut qissianik orpiilluunniit timitaannik qupisinermut atorneqartar-simavoq, qupisallu sanarfillugit qaanniornermut, umialiornermut tupiliornermut allanullu tulluarsaanernut, ilaatigullumi uullinernut, agguinernut imaluunniit su-lianut aqimaatsunut atorneqartarsimalluni.