SULISARTUT HØJSKOLIATA NITTARTAGAANUT TIKILLUARIT.
Højskolerneq
Sulisartut Højskoliat sineriassuatsinniit inuusuttunik højskolertitsinermik misilittagaqarluarpoq. Atuartitsineq ataatsimoornerlu peqatigiissinneqartarput, sapinngisannguarpullu naapertorlugu højskolimiinnerup tamanut toqqissisimanartuutinnissaa pisoqarfiulluarnissaalu qulakkeerniartarparput. Atuarninni atuarsimasassanik/pensummimik piumasaqaatitaqanngilaq karakterilersorneqartussaanallu, taamaakkaluartoq qularutiginngilarput siornatigut misilittakkannut naleqqiullugu annertunerusumik ilisimasaqalernissat aallukkumaarit. Tusarnaarneqarlutillu maluginiarneqarumaarputit, imaalerianngitsorlu malugilissavat imminut tatiginerulersimasutit, ikinngutitaajortortutit, siunissavillu qanoq ittuunissaa qulaajarnerulersimassallugu.
Sinniisunik pikkorissaaneq, takornariaqarneq piginnaanngorsaanerlu
· Sulisartut højskolerimmassuk S.I.K.-p ataani Qaammarsaanermut Ilinniartitaanermullu Aningaasaateqarfik suleqatigalugu sinniisunik pikkorissaasarpugut – nittartagaq www.sik.gl takuuk. Tamatuma saniatigut S.I.K.-p siulersuisuuneri, Nakkutilliisoqarfik aningaasaateqarfiillu ataatsimiinngikkunik, pikkorissartarput ataatsimeersuarlutilluunniit.
· Aasap qaammataani takornarialerisarpugut pikkorissaanerillu ingerlattarlugit.
· Nunatsinni folkehøjskolit pillugit inatsit nutaaq toqqammavigalugu soraarummeernertalimmik piginnaanngorsaanerit aallartinissaat suliniutigaarput.