Uunartoq

Uunartup tusaamasaassutigaa 36 graderinik kissassuseqartuaannartumik taseqarami,  taannalu Qaqortumiit 50 km-inik kujasitsigisumi Alluitsup Paata eqqaani inissisimavoq.

 Uunartumi sikorsuit, qaqqat portusuut ilulissallu isiginnaarusaajutigalugit kinisimaarusaartoqarsinnaavoq. Qaqortumiit Højskolip angallataanik 2 ½ tiimit ingerlaneranni tikinneqarsinnaavoq, aqqutaanilu ilaatigut takusassaasarput ilulissat, puisit aammalu arferit.

Qaqortukulooq

Nal. akunnera ataasiunngitsorluunniit kangerlukkut qorsooqqissukkut ingerlareerluni Qaqortukulooq tikitassaavoq, tassaniillunilu oqaluffikoq "Hvalsø Kirkeruin".

Oqaluffikoq tassaavoq qallunaatsiaat Kalaallit Nunaanniissimanerannut ullumikkut uppernarsaatit erseqqinnerit ilaat, sanaajusimallunilu 1300-up aallartilaarnerani. Oqaluffikup eqqaaniippoq naasorissaasup nunaateqarfia, tassaniillutillu illut najugaqarfigineqarsimasut, uumasuusiviit peqqumaasiviillu.

Oqaluttuarineqarpoq oqaluffitoqqami 1408-mi katittoqarsimasoq, tassaallunilu qallunaatsiaat Kalaallit Nunaanniissimanerannut nunaajaatit allassimasut kingullersaat.