Sulisartut Højskoliata

Nittartagaanut tikilluarit

Atuarninni atuarsimasassanik/pensummimik piumasaqaatitaqanngilaq karakterilersorneqartussaanallu, taamaakkaluartoq qularutiginngilarput siornatigut misilittakkannut naleqqiullugu annertunerusumik ilisimasaqalernissat aallukkumaarit. 

TAMATIGUT ILINNIARTITSISSUTIGINEQARTARTUT

Sulisartut Højskolianni højskolernermi sammineqartartut immikkoortukkaarput, qallunaatut taallugu værkstedsundervisning.

Silamiinneq

Silamiinnermi sammineqartarpoq:

  •  timersorneq
  • silami nerisassiorneq
  •  aalisariarneq
  • unnuijartornerit 
  •  pisuttuarnerit

Eqqumiitsuliorneq

Eqqumiitsuliornermi sammineqartarpoq :

  • qalipaaneq
  • allanillu eqqumiitsulianik sanalunneq 
  •  isiginnaartitsineq/saqqummiusisinnaaneq

Nipilersorneq

Nipilersornermi sammineqartarpoq :

  •  taallialiorneq erinniorneq taavalu taakku sanaat nipersuutilerlugit atorsinnaanngorlugit naggataatigullu musikvideoliaralugu

Tunngaviit pingasut

Inuttut ineriartornermut imaqarluartoq atuartitsissutigineqartarpoq.

Igaffimmiinneq

Igaffimmi ilinniartinneqartarput ullormut nerisassat sassaalliunneqarnissaanut piareersarlugit aammalu eqqiluisaarneq pingaartillugu suliaqarneq

Asaasut

Asaasuni ilinniartut ikiuuttarput ilinniartinneqarlutillu qaqorsaatinut tunngasunik

Pedelimi

Pedelimi ilinniartut ikiuuttarput højskolimi aserfallatsaaligassat suliaralugit.

toqqagassaq: Erinarsoqatigiinneq

Erinarsoqatigiinnermi sungujusarneqartarput assigiinngitsut illoqarfimmiunut unnussiuaartitsinissamut piareersarluni. Unnussiuaartitsinerit pisarput marloriarlutik pingasoriarlutilluunniit højskolertitsinermi.

toqqagassaq: Fitness

Timersortarfik suleqatigalugu nukkassarnerit ingerlanneqartarput ilinniartitsisut

ilagalugit.

toqqagassaq: Meditation

Ilinniartut misiliitinneqartarput mediteerertillugit

Højskolerneq

Sulisartut Højskoliat sineriassuatsinniit inuusuttunik højskolertitsinermik misilittagaqarluarpoq.

 

Tusarnaarneqarlutillu maluginiarneqarumaarputit, imaalerianngitsorlu malugilissavat imminut tatiginerulersimasutit, ikinngutitaajortortutit, siunissavillu qanoq ittuunissaa qulaajarnerulersimassallugu.

Assit ⟶

Sinniisunik pikkorissaaneq, takornariaqarneq piginnaanngorsaanerlu

  • Sulisartut højskolerimmassuk S.I.K.-p ataani Qaammarsaanermut Ilinniartitaanermullu Aningaasaateqarfik suleqatigalugu sinniisunik pikkorissaasarpugut – nittartagaq www.sik.gl takuuk. Tamatuma saniatigut S.I.K.-p siulersuisuuneri, Nakkutilliisoqarfik aningaasaateqarfiillu ataatsimiinngikkunik, pikkorissartarput ataatsimeersuarlutilluunniit.
  • Aasap qaammataani takornarialerisarpugut pikkorissaanerillu ingerlattarlugit.
  • Nunatsinni folkehøjskolit pillugit inatsit nutaaq toqqammavigalugu soraarummeernertalimmik piginnaanngorsaanerit aallartinissaat suliniutigaarput.

 

Eigil Kielsen-Davidsen

Pisortaq

Sulisartut Højskoliat